月份彙整: 2011 年 9 月

香港小徐 超聲波洗光碟之見解

發佈日期: 作者:
回覆

香港小徐  超聲波洗光碟之見解

一天在網上見到有一個標稱洗 CD 碟功能的超聲波清潔器出售，一看上去好似幾正喎！

圖說：網上售賣中的超聲波洗 CD 機 $198 人仔

    日常存放得久了冇聽過冇睇過的 CD、DVD 等都有幾大量，每每從中抽出來使用時都見到發毛的出現及碟邊鏽食等景象，就即時用布抹走，用一些街上買得到的清潔 CD 噴霧也可，但化學野今時今日用少一些為上，清潔後在今天可能好正，過幾年都唔知會唔會整壞隻碟，用超聲波清潔理論上是可取的。

圖說：多年冇拿過出來聽了

圖說：發晒毛囉！

家中一向有一個超聲波機用來清潔眼鏡，今天就試用它來把 CD 碟清潔看看效果。

圖說：放不下全隻碟洗半隻試試

圖說：清潔中

圖說：反碟再試

原來在清潔中，因為超聲波的震動，隻 CD 會自動的轉，咁即係會全隻碟都會自動清洗得到，這部機洗三分鐘就會自動關機不用理會可以行開。

圖說：脫水裝置

洗過後濕淋淋，用布輕吸一吸走水份，再拿來這個 CD 靜電清除器利用它的高速旋轉來脫水，更順便清除靜電。

圖說：脫水及清除靜電中

圖說：完成後的效果

表面睇效果幾好，買一台用來清潔光碟及日常眼鏡、手飾等應該不錯，小徐會否買一台來自用呢？

答案是……………………………………………….不會！

原因是我再拿第二隻 87年買的 CD 出來想再試，見到隻 CD 內圈及外圈都出現鏽食，明顯是 CD 上下面夾層邊接口漏氣，濕氣進入導至 CD 的鋁片鏽食！

這隻碟現在在鴨記及旺角二手都要 $350 過外，我開過五隻來睇全部都出現了鏽食，唔知可唔可以去銷委會投訴發行商叫換貨呢？寫明畢生享用喎！

仲有；不要過份迷信德國碟、山羊碟、日本碟、美國碟等等等等，軟體錄得唔好制作人員馬虎就算月球製做都冇用啦，記住要清醒點啊！

圖說：德圖製做的鏽食光碟

圖說：光碟中間已食了一個洞

圖說：已到鋁片邊緣了

圖說：內圈也好不了多少

    如果我買一台超聲波清潔器回來洗 CD，超聲波運作會時震波直接把水震入去 CD 邊邊的接駁口處，又萬一隻碟真係有少少製作上的缺陷，到時入水就真係弄巧反
拙，水份還加速的到了鋁片，效果不正反負都係玩不過去。

圖說：在 CD 光碟初面世 (86年~88年間 ) CD內頁寫住可以 [帶來畢生純淨的聽覺享受] 的字句

    CD光碟無疑是帶給人們無比方便，並聲稱可聽至畢生的長壽，但在幾年後新的 CD 已把這字句刪除了，何解？
業界及製做商心中有數了！

同樣CD的出世也是一個毀滅性的工業，他的出生就在短短十年內把黑膠王國打下來，好彩黑膠系統仍在殘存至今，在過去幾年更有抬頭現像實在可喜可賀。

圖說：早期 CD 產品全是德國及日本製做韓國產品要在遲兩年才見發現

    小徐 86年買第一台 CD 機，當時買隻本地歌曲 CD 要180圓左右，來佬要 200頭，全是德國、日本產品，後來出現了韓國製品，及後出現馬來西亞和祖國制的，
CD 素質也不段下降，小徐認為不是制做地的問題，而係發行商為了增加利潤及制作人員馬虎或未夠班所至，相信大部份人不介意多付幾十圓，只要製品有高質量就可以了，可惜消費者真的冇得選擇，根本不值得擁有真係唔好怪人家網上下載了！

現實的無奈！

以上都是小徐無知的自我推拷，未知思路是否正確，如有高人路過大可金口一開指導小徐，謝謝各方大哥到來，謝謝大家！