香港小徐 之 大陸膽機靚機殼 (2010/08/30)

好一大段日子冇寫過 Blog，因為去了海外工作，一星期甚至兩星期才回港一天，有時間都留給家人了，現在工作上稍為鬆一點，就抽十數分鐘寫幾隻字吧。

圖註：一箱兩台

海外工具不齊時間又沒有，自己製作已經停了一段日子，閒來只好看看淘寶網銷磨時間，看到一台大陸膽機，外表幾骨子我幾喜歡，所以就訂了兩台回來，正好我細佬新居入伙就送一台給他玩玩 (他對音響要求不高)，另一台就是留給我自己把它解剖要它的殼。

圖註：一台機大約是 A4 紙大小

圖註：我是被它的外表吸引的

圖註：近攝

圖註：開關一方

圖註，兩部拆盒檢查

圖註：同一型號網洞洞大小不一

圖註：機背

圖註：仲有 USB 音源輸入

圖註：排位

未拆底睇，不過電源牛後面有足夠安裝膽整流的空間，兩隻輸出牛表面看來都過得去，不至太細小，電源牛煲了兩個鐘都是微熱可以接受，應該改成搭棚都不是大問題，全機都有廿磅重，機價約 900 港圓，運費兩台加起 160 港圓，即係 980 圓一台，算一算牛牛加殼加炮灰膽忸掣等等及免了自己打洞的時間，實在好似幾抵咁，不過唔知幾時才可動工呢！

一定有人想問部機開聲得唔得？

一句話，一分錢一分貨，好過微型組合，同 AV Amp 比力水差太遠，人聲又討好一些咁啦，初哥玩玩又唔算貴都可以的。

今次吹住咁多先，有空再來 up 過！

拜拜！